踢館女王閻奕格（Janice）前晚穿上透視長裙綵排音樂會，剛由台灣趕返港的她因航班問題遲到，她一臉無奈地道歉：「對唔住要大家等。」首次在港舉行音樂會的Janice表示，既緊張又興奮：「超級緊張，瞓唔着，係咁起身，之前喺台灣開騷係800人，今次兩場加埋成3,000人，冇諗過有咁多朋友支持。」以四吋高踭鞋示人的她，為免仆倒及走光，不時用手拉住裙邊，並說：「我好保守，第一次着喱士，下半身仲係透視，有少少唔慣！（成功谷胸？）係咩？盡量用手遮住佢啦！」
首次着透視喱士裙的閻奕格，不時拉裙邊。
