Jeana T-back移位有「陰」影

「不倒胸」何佩瑜（Jeana）昨日密實宣傳，但原來暗地出招，穿緊身褲的她疑似若隱若現，搶去林欣彤及詩雅風頭，她笑言可能是T-back移位！

昨日Jeana、詩雅、林欣彤、冼色麗、樂隊Mr.及林德信到商場力谷電影《起勢搖滾》，密封「不倒胸」的Jeana原來「暗藏實力」，身穿緊身紅褲的她來一招疑似若隱若現搶鏡！事後她接受電話訪問，得知後即驚訝地表示，可能內裏的T-back移位：「我當緊身褲係Leggings咁着，唔會唔着底褲，有着T-back㗎！（現形？）真係唔知！我都覺得怪，咁多人望我。」

未Feel到栢文表白

前晚Jeana出席夜店活動時表示剛滿23歲：「希望今年感情穩定！（同張栢文感情點？）朋友啫！」日前她才表示兩人「就快撻着」，如今突然轉口風指是相識很久的朋友，生日當日只是一班人食飯，問到對方有否送名牌袋？她說：「係一班朋友夾份送，未Feel到佢表白。（好感？）好朋友，佢係Nice Guy！」

另外，在《起》片活動上，詩雅透露即將做「外婆」，愛貓懷孕，她一度錯怪是愛犬曳曳：「我屋企比較Open，媽咪話有隻外來貓爬咗入嚟！（驚有色狼入屋？）我隻大唐狗會保護我。」而林欣彤則表示銀幕初吻最想錫張栢芝。