丁子高呻BB用品「重皮」

尚有兩個多月便榮升父親的丁子高，前晚獲好友范振鋒邀請到Magnum出席其時裝品牌Mr. WEATHER活動。丁子高透露跟太太楊千嬅為迎接小生命來臨，已做好心理準備。他未有感到太緊張，又稱近日正添置嬰兒用品，特別感謝陳慧琳老公劉建浩送出嬰兒床。丁子高慨嘆嬰兒用品價錢相當昂貴：「BB嘢原來好貴，而且你知我太太好鍾意買嘢，所以一買就要幾皮嘢。佢鍾意每個款都買齊幾隻色，女仔梗係冇所謂啦！但係男仔都唔知點解要咁多色。」

談及兒子的名字，丁子高稱暫時未決定中文名，而英文名則希望能以T字開頭：「我爸爸屋企人嘅英文名全部都係T字開頭，所以想個仔跟番。」他又笑言因他的姓氏英文同樣以T字為首，故連同英文名則變成簡稱TT：「咁樣以後簽名就好有型。」

同場的趙碩之表示近日正跟鄭伊健和蔡卓妍合作電影，戲中飾演潛水教練的碩之，有幸跟伊健有不少對手戲。她坦言從小喜歡看伊健的演出，故拍攝時緊張到忘記對白。