監製網上捧自己場：管唔到咁多
無綫劇《女警愛作戰》未賣埠已在內地網站偷播，原來該劇只是拍畢個多月，連後期工作也未完成。監製張乾文趁復活節假期在電視城忙於為該劇剪片，他早已得悉網上偷播一事，甚至在網上捧自己場，問到網上版本如何？他大讚：「我自己個劇梗係好o架！（套劇未賣埠就被偷播？）呢啲我就唔知，我都管唔到咁多，交畀TVBI（電視廣播（國際）有限公司）處理，我為咗趕個後期趕到抽筋，都唔理得咁多。（香港幾時播？）個劇啱啱拍完冇耐，無綫都未決定幾時安排喺香港播，但既然依家網上都有得播，當然希望無綫能夠盡快安排喺香港播出。（擔心影響收視？）我諗兩批觀眾嚟嘅，所以都唔擔心。」
