呂慧儀：演員做唔到啲乜嘢
有份演出《女警愛作戰》的呂慧儀，對該劇在內地網站「偷步」播出而大感驚訝：「吓！好意外！如果公司未賣埠都可以喺內地網睇到，我覺得好奇怪！希望公司Check到原因兼採取行動阻截唔合法嘅放映，因為我哋演員做唔到啲乜嘢！」
此外，呂慧儀昨日到將軍澳中心出席《第八屆香港共融國際家庭掟蛋大賽》。當在台上拍照時，一名外籍男士與她交談：「You are my next next wife！」呂慧儀笑說：「我同佢講我已經嫁咗人，但好得意，覺得好親切，好耐冇畀人撩過！（嫁咗都有『巿場』！）都有啲安慰，內心都偷笑！自信心返番嚟啦！仲要係外國人，今日心情即刻好晒！（見到現場小朋友想盡快生BB？）我仲後生，唔急，生小朋友要湊責任好大！（未努力？）冇刻意囉！」
呂慧儀出席掟蛋活動，並與參賽的家庭合照。