李玟遇里奧 驚喜拖到實
天后李玟（CoCo）昨日與電眼美人李美鳳等昨日出席Estee Lauder活動時，透露早前與老公Bruce出席Top Shop老闆Sir Philip Green六十歲生日派對與失明歌手史提夫溫達合唱，落台時卻有驚喜：「有隻手伸出嚟扶我，原來係里奧勒度狄卡比奧！我即刻捉得佢好緊。」雖然未敢交談，但至今仍回味當日情況，又笑言老公亦戥她高興。
而下月結婚十六周年紀念的李美鳳將舉家遊峇里，她指婚後最難忘是佗雙胞胎時：「嗰陣好辛苦，直到生咗，見佢哋健康先放下心頭大石，個醫生仲話我縫針嗰陣瞓到扯鼻鼾。」
