天華君如直斥有部署侵犯底線

藝人謝天華與歌手許廷鏗一同出席時裝店開幕活動任嘉賓。對於黃宗澤在家中被雜誌偷拍，最後獲私隱專員公署裁定違反私隱條例，天華覺得可謂還藝人一個公道，他直斥：「我幾認同，對方係有部署，有心影一定影到，但都應該有底線，冇人諗到喺屋企都畀人影到，應該反省，如果交換角色，你畀人影，都會唔舒服啦！」另一邊廂，影后吳君如昨日帶同家人到山頂出席蠟像揭幕儀式，她亦十分認同私隱專員公署的裁決說：「唔可以咁樣有部署去影相嘅，喺屋企廁所可能漏咗攞內衣褲行出行埋，人哋要裝你好難提防，其實每個崗位都應該有佢哋嗰條線。」

謝天華覺得今次可謂還藝人一個公道，更直斥對方應該反省。

吳君如的蠟像（右）幾可亂真，她卻嫌蠟像沒有「事業線」。