陳嘉桓孭飛作 Hold住先

陳嘉桓（Rose）母親Ronnie與經理人公司傳鬧不和，令Rose擔正的新戲慘成犧牲品，無限期押後！對此，經理人公司老闆冼國林承認電影延期，但原因是有新資金加入。

陳嘉桓母親Ronnie早前離開Rose的經理人公司「國藝」，另謀發展，有傳Ronnie離開的真正原因乃跟公司鬧不和，令Rose慘成磨心，左右做人難！原本經理人公司早前為Rose度身訂造了一部時裝電影，讓她首度擔大旗做女主角，豈料母親與經理人公司鬧不和，令電影由五月開鏡變成無限期押後！

修改劇本再開工

記者就此事致電Rose經理人公司老闆冼國林，他承認電影會押後，但並非與Ronnie不和，而是有新資金注入，他說：「因為部戲加入咗內地投資者，佢哋希望個劇本再作修改！所以要等大家改好晒劇本先開工，始終依家內地市場好重要，故此都希望配合佢哋同埋做好晒準備先開拍！」對於有傳與Ronnie不歡而散，冼國林說：「冇！Ronnie有更好嘅發展，我仲開心，因為佢係我哋公司出嚟嘛！」

另一邊廂，Ronnie接受電話訪問時說：「我同冼師傅（冼國林）冇不和，我一向都好尊重冼師傅！（Rose新戲押後?）依家我已經唔係Rose嘅經理人，有關Rose工作上嘅嘢要搵番佢經理人公司喇！」