謙仔跣親拒驚動楊怡
藝員馬國明（馬明）、緋聞男女羅仲謙（謙仔）及楊怡等昨日宣傳新劇《On Call 36小時》，與中學生比賽籃球，但藝員有姿勢冇實際，最終以7：18敗給學生隊，謙仔更不慎跣倒傷及臀部！幸而他後來出席電台活動時表示，傷勢不算嚴重，故不用通知楊怡，更乘機否認追求對方。
另外，對於舊愛胡定欣為新劇客串6秒，馬明解釋對方並非專誠探他：「個手術室廠景變咗TVB勝地，好多人入嚟睇。（定欣話同你翻撻順其自然？）順其自然啦！暫時做朋友舒服啲！（唔排除復合？）話唔定會話我同曾華倩復合，都係傳啫！」對於結局篇因特首選舉延遲半小時播出，楊怡表示不擔心影響收視。
馬國明（左起）、黃智雯、楊怡及謙仔落力谷劇。
謙仔比賽期間跣倒，Poor Guy！