Paul：看更都不如
Beyond出身的黃貫中（Paul），出道時亦曾捱窮，曾問朋友借貸6千元才夠錢開第一個Band騷！他昨日接受電話訪問時笑說：「夾Band只有兩種人：一係窮鬼，一係有錢仔，當年嘅Beyond都冇錢！咁多年嚟，扣除投資Band房，收入真係連看更都不如！」他捱足10年才儲夠錢買樓，自感比現時的Band仔已算走運，皆因樓價高得驚人！問到可會後悔夾Band？他大大聲說：「做音樂好開心、好光榮！」
另外，溫拿樂隊成員鍾鎮濤（阿B）亦笑言曾為夾Band捱過：「當年我都住過銅鑼灣嘅鐵皮屋，熱到瞓唔到！其後溫拿稍有名氣先賺到過千元月薪，不過租金已花去6百！鍾意夾Band永遠都要捱，想發達就唔好夾喇！」
黃貫中坦言捱足十年才能置業，但仍自豪是Band佬！ （資料圖片）