Crystal上身剝光 莊冬昕激讚

組合HotCha成員Crystal日前以性感造型拍MV，除與莊冬昕（Deal）大跳貼身舞外，更為對方獻出第一次，她半裸上身上陣，一改清純形象！

甚少作性感打扮的Crystal日前與Deal拍新歌《我想打比你》MV，Crystal一改清純形象，除以黑Bra性感上陣，與Deal大跳辣身舞外，更半裸上身，僅以長髮遮掩重要部位，大擺性感甫士，意識大膽，但其造型與區文詩的新碟封套相似。Crystal與Deal解釋MV只想帶出現代男女思念另一半的經歷，並非賣弄色情。

首次半裸演出的Crystal說：「HotCha已經成軍5年，係時候要改變，希望畀大家耳目一新嘅感覺。」她表示拍攝時並不覺得難為情，更感謝同事替她緊張：「每次開機前，女同事都會圍住幫我檢查，又驚我凍親而熄晒啲冷氣，好多謝佢哋咁緊張我。最後出嚟嘅效果好好，大家都好滿意！」

合作夠新鮮

而Deal對拍攝效果亦大感滿意，並大讚Crystal：「呢首歌係為Crystal度身訂造，好開心同佢合作，好有新鮮感，同埋好多謝Crystal配合導演嘅要求，半裸演出更加係非常專業，值得一讚！」