志偉無懼輻射擦蠔

遠赴日本東北區為日本觀光局拍旅遊節目的曾志偉,前晚在東京會合錢嘉樂及洪天明,對於勇闖輻射區,志偉表示毫不擔心:「朋友叫我全程唔好沖涼,我唔理!水照飲,海鮮照食,吹咩?南三陸啲生蠔三千日圓任食,從來冇食過咁新鮮!」志偉聽盡災民守望相助的感人故事,坦言當務之急是振興日本旅遊業。

志偉(右三)懶理朋友勸告,跟一班藝人在日本大吃大喝。