徐靖雯周子揚甜蜜情人節

模特兒徐靖雯（Jenny）與歌手周子揚（Hinson）今天度過拍拖後首個情人節，日前他倆一同製作朱古力糖，為情人節做準備。小情人相當合拍，期間又甜蜜互餵，羨煞旁人！

徐靖雯與Hinson拍拖後一直相當恩愛，問到如何歡度拍拖後首個情人節？Hinson甜絲絲地說：「想一班朋友搞個Party，當然都會同Jenny二人世界，或者親自下廚煮嘢畀佢食。」他倆異口同聲表示不着重物質，若能親自製作心意卡或煮甜品送給對方，已是最好的禮物。他倆坐言起行，日前專誠找法國甜品師傅指導炮製法式朱古力硬糖，誓要過一個Sweet到爆的情人節！

雖然首次製作朱古力糖，但二人有板有眼，製作過程經常要觸摸灼熱的糖漿，Hinson都會輕聲提點Jenny小心！當「愛的結晶」完成後，小情人即興奮拍手，更忍不住互餵，簡直甜到入心！

作曲冧女友

此外，Hinson透露曾為女友作曲：「之前有作品都將Jenny投射落去送畀佢，同埋有啲已經作好咗，下隻碟就聽到。」身旁的Jenny聞言即撒嬌說：「邊有呀？我唔覺有嘅！」問到是否已見家長？Hinson說：「未呀，但都希望有機會見佢哋，係一種禮貌。」Jenny表示年紀尚輕，家長未有催婚。因為他們會先努力工作，希望有機會拍戲，婚姻大事就要慎重處理，而現階段彼此相處愉快。