栢芝主動出擊 搬竇黐實霆鋒

今日是謝霆鋒和張栢芝離婚後首個情人節，據知兩人關係大躍進，栢芝為見霆鋒更愈搬愈埋，住正霆鋒對面的Apartment「奕居」，租金亦由霆鋒支付，難怪栢芝有價值1.28億元新居遲遲不入伙，留待一家四口到「世紀」團圓！

霆鋒早前親口表示兒子Lucas想父母復合，而霆鋒和栢芝的關係看來亦漸入佳景，上周栢芝便帶兩名寶貝仔Lucas和Quintus，搬到與霆鋒寓所「栢舍」對面的「奕居」，兩座住宅僅一街之隔，絕對「近水樓台」！不少住客目睹霆鋒頻頻出入上址，更見過他清晨時分才離開。而鋒芝近期亦為對方在生活上作出很大改變，霆鋒為讓兩名囝囝享受「家庭溫暖」，放假兩個月，更變身「廚房佬」入廚煮西餐，栢芝亦變得深居簡出做慈母。

為囝囝煲湯

霆鋒前日在司機陪同下到樓下超市掃貨，推着手推車，一副「住家男」Look買餸。他見到記者亦親切友善，問到栢芝與兩名兒子是否搬到他對面的大廈？霆鋒輕鬆地說：「係，（陽明山莊約滿？）未o架！（呢度啲租都係你畀？）少少啦！佢哋住幾日啫，屋企整水喉！（有人見你清晨出嚟，係咪喺嗰度過夜？）之前Lucas病咗，我留夜啲睇佢啫！」說到栢芝的世紀大廈已可入伙？霆鋒說：「佢哋有佢哋計劃，等佢自己講啦！」

逛足超市近45分鐘，霆鋒的手推車已堆滿各種食材，原來他對兩名兒子的口味亦瞭如指掌，指大仔Lucas怕吃芝士和牛奶，所以要花點心思，這次便買菠菜煮菠菜蓉湯吸引Lucas的胃口，而Quintus易湊不揀飲擇食，一講到兒子即變廿四孝老竇。

離婚後「轉性」

其實鋒芝離婚後，兩人反為對方「轉性」，以前霆鋒被栢芝鬧只顧打機不理兒子，如今的霆鋒已戒打機兼變「廚房佬」來照顧兒子，至於栢芝同樣「變乖」，戒夜蒲兼戒買名牌，得知霆鋒放假兩個月，亦跟着「停工」留守香閨等霆鋒來見兒子，盡顯慈母一面。栢芝更玩低調，日前傍晚六時，她帶Lucas乘坐七人車直駛進新居世紀大廈的停車場，事隔數分鐘便見頂層單位開了燈，可見Lucas在拉動窗簾，母子逗留約一小時才離去，七人車離開前更有大廈保安把風，似乎栢芝仍未想新居曝光，據知世紀大廈已可以入伙，今次栢芝反搬近霆鋒，兩人關係「愈見愈好」，看來世紀大廈將成團圓之所。