鄭嘉穎嘲Bosco酒量差
鄭嘉穎昨日專程由內地返港出席香水活動，一臉疲態的他表示活動後尚未能小休，因要趕返公司拍MV。對於老友黃宗澤（Bosco）夜蒲被性感女圍？嘉穎說：「咁開心，好凍咩？（Bosco飲醉喎！）我都見過佢醉，酒量係要改進，但醉多兩次就好啦！（訓練佢？）小弟都冇乜時間，酒量又唔好，因為都有一段長時間冇飲，就算依家返內地拍劇都盡量避免應酬，有時間都瞓吓覺。」同場單身多時的劉心悠表示，情人節形單影隻也不可憐：「入行之後冇拍拖，由女神變成瘟神，覺得係詛咒，大家唔好再叫我女神，我都想嫁得出o架！」雖然未有追求者，但有狂迷走到心悠的飯店拍房門，她說：「我話要瞓覺，但佢喊囉！好驚，支持係好事，但我都想要私人空間。」
穿低胸裙的劉心悠，為鄭嘉穎噴香水。