過來人娜姐險失五百萬
圈中詐騙手法層出不窮，以致不少藝人先後中招，周秀娜自爆曾被人追數五百萬元，但原來是白撞：「早前試過有人打去我公司，話我爭佢五百萬，好彩我公司唔係傻，話公司只係經理人，管唔到我啲私人事，咁佢就收線喇！」周秀娜笑言想不到她的名字只值五百萬元：「係呃就呃多啲啦！」
而莊思敏則表示試過被經紀挪用戶口，損失接近六位數字：「兩年前我冇諗過買倫敦金，但係有個經紀話想借我戶口去買，我見佢係我朋友個朋友，咁就是但啦！隔冇耐輸錢，佢就人間蒸發走佬，搵都搵唔番，Total唔見接近六位數字！」她又表示自此再不會借戶口給任何人，會好好管理自己的戶口，慎防再被騙。