Phoebe自誇醒目唔易呃
許穎（Phoebe）和師妹夏然然等昨日到鬧市宣傳個人電子影集。對於DaDa被呃錢，Phoebe自誇醒目不易受騙，並奉勸其他Model帶眼識人：「我不嬲理財都審慎，搵到啲錢都會畀媽咪管，唔會借畀唔識嘅人。」問到日前與然然是否醉酒後當街吵架？Phoebe即口窒窒說：「有啲咁嘅事？我未睇，師妹咁可愛！」更攬了師妹一下，然然說：「Phoebe係師姐！（鬧交？）唔記得。」對於公司有大批師妹加入，Phoebe自稱一姐地位企得穩，問到打扮性感會否怕被抽水？她笑說：「性感係我形象！」然然說：「着少啲，Fans開心啲！」
對於未能參與《喜愛夜蒲2》選角，Phoebe自嘲是茄喱啡：「多謝傳媒嗰時當我主角咁報道。（會再演出？）未知，努力練歌同作曲。」然然稱為寫真拍攝全裸及半裸照，惜因尺度問題而未能出街！
Phoebe（右）攬實師妹夏然然，故作熟落。
Phoebe、夏然然和白健恩等在鬧市宣傳，吸引不少途人圍觀。