莊思敏追吳浩康還錢
莊思敏及陳彥行昨日出席公開活動，對於與吳浩康（Deep）的錢銀轇轕再被公開談論，莊思敏坦承相關報道出街後，曾與對方聯絡：「會追佢還嘅，佢財政都OK，其實唔算太差。（你對朋友好疏爽？）試過借六位數畀相熟朋友，好彩街數唔算多。」早前有朋友介紹男友給她，結果卻擺了大烏龍：「打獵唔成功呀！因為個男仔其實我識咗好耐。」
至於同樣單身的陳彥行坦言恨嫁：「早前都有啲朋友想幫手牽紅線，雖然對方經濟唔錯，但一聽到佢個名，知佢以前點樣追女仔，已經知道唔啱我。」她形容對方的條件與莊思敏緋聞男友林忠豪不謀而合，但她沒有指名道姓：「總之女仔都係靠自己好啲！」她透露稍後會跟洪朝豐學習發聲及發音，希望改善懶音。
莊思敏指吳浩康財政OK，一定會要他還錢。