拍檔阿Sa狂接廣告致富，鍾欣桐（阿嬌）亦不甘示弱，最近成功冧莊美容飲品代言人，日前穿上多套OL靚衫拍廣告。極少以OL打扮出街的阿嬌勁興奮，她表示因除了拍戲外，甚少機會如此打扮：「有時都想試吓咁樣落中環行街食飯。」還自誇造型很配合自己：「我都Carry得幾好。」
近年不停到內地搵「人仔」的阿嬌，賣口乖推介產品：「我經常要返內地做嘢，有時要逗留成幾個月，加上天氣又凍又乾燥，只係飲水係唔夠，所以閒時會沖骨膠原粉飲，皮膚自然有光澤。」
鍾欣桐以斯文造型拍廣告，當中不乏「體」頭。
