李蘊憑歌寄愛冧劉謙

歌手李蘊（Renee）雖然常與台灣魔術師男友劉謙分隔兩地，各有各忙，但她最近特地寫歌送給愛人，望能憑歌寄愛意，大冧忙於工作搵銀的男友。

李蘊與台灣著名街頭魔術師劉謙的戀事向來低調，最近Renee憑歌寄意，親自為將推出的新歌《愛你更多》填詞。問是否專誠寫給男友？她甜笑說︰「唔係淨係寫畀佢嘅，畀所有關心我同愛我嘅人，今次能夠首次自己填晒首歌嘅詞，好開心，好有滿足感。」

Renee會舉行迷你音樂會，為下月推出的新專輯造勢，她不介意邀請好友欣賞，問到劉謙會否來港捧場，她說︰「佢依家忙緊巡迴表演，可能性好低，不過可能有其他男性朋友嚟睇支持我呢！」問會否拍下音樂會給男友看？她支吾以對︰「《愛你更多》係音樂會主題曲，一定會唱！唱畀所有愛我嘅人聽嘛。」

與G.E.M.傾心事

此外，Renee最近因好友鄧紫棋（G.E.M.）而信主，她不用為音樂會練習時便會抽空返教會︰「G.E.M.之前成日帶我返教會，講好多呢方面嘅嘢，加上自己之前讀教會學校，所以依家信咗主。」她表示除與G.E.M.傾聖經外，又會傾談少女心事，問有否談及大家的感情事？她說︰「女仔其實咩都會傾，總之感情事各有各精彩啦！」