羽翹狠心剪羅力威
歌手羽翹早前到旺角唱片舖賣碟及舉行簽名會，吸引不少男粉絲連買多隻新碟支持。新碟附送她的音樂會的DVD，更是與擔任表演嘉賓的男友羅力威的「定情之作」，但她竟表示合唱部分已被刪走：「冇佢㗎！我剪走咗！（定情之作，值得紀念喎？）紀念又唔使逼大家一齊睇嘅！」
另外，問到可有送上附有「唇印」的新碟給羅力威？羽翹笑說：「唔使啩？救命呀！唔會啦！（聖誕節會唔會交換禮物？）我未諗呀！因為嚟緊要錄影節目，未有準備喎！」她表示自拍拖以來，二人都未有送過禮物，她亦不喜歡「屈」男友送禮：「好尷尬嘅！」
