結婚四周年 曹永廉送超市禮券
曹永廉最近身兼多組拍攝，日前與太太姜依蘭結婚四周年紀念，一度擔心未能慶祝，幸好最後開工前能抽出少許時間與太太遊旺角，還上載「撐枱腳」照於微博內晒幸福，阿廉受訪時說：「佢仲送咗件衫畀我，但未諗到點回禮，一係送張超市禮券畀佢！（咁衰？）我比較實際，好似之前送部平板電腦畀佢，諗住等佢同個仔可以兩份用。」
四年婚姻生活尚算愜意，問到夫妻相處之道，阿廉卻謙稱仍未摸到竅門，自爆人前人後兩個樣：「出嚟做嘢要圓滑啲，我喺屋企冇咁風趣，話冇鬧交就呃你嘅！通常送禮物氹番佢，好似手袋咁，但大部分都被棄置一旁，我諗我冇乜眼光！」
另外，阿廉又透露稍後將會為拍劇而首次「落髮」，笑言毛髮濃密，不擔心因剃頭而出現脫髮問題，只擔心一對兒女未能接受其新形象。