倪晨曦肉緊黐古仔
寰宇新人倪晨曦（Elva）日前跟李曼筠、蔣怡及卓韻芝於賀歲片《八星抱喜》中扮香港先生評判，而飾演香港先生的古天樂（古仔）要赤裸上身擺甫士，她大讚古仔身形Fit爆：「有場我哋要好大力將啲心心貼紙黐落古仔個身度，我唔知原來未正式拍，試嘅時候就已經好肉緊！」因為現場氣氛高漲，她們未開拍已笑到癲！
現以模特兒工作為主的Elva表示，明年會力攻電影及主持工作，由於廣東話未算標準，即使當主持亦不可報新聞：「我對講廣東話有信心，大家接受能力高咗，不過就算做主持都會揀啲講時裝、美容或者旅遊嘅節目，因為夾雜普通話同英文都冇問題。」
Elva樣子甜美，相信來年做主持會受觀眾歡迎。
Elva因能跟古仔（右）在黃百鳴出品的新片中合作大感興奮。