張可頤病愈復出恨再稱后

張可頤曾因患上甲狀腺炎而停工，近年積極回娘家無綫拍劇的她，今年憑《法證先鋒Ⅲ》競逐視后及「我最喜愛的電視女角色」，雖然早於03年已初登視后寶座，但可頤仍希望再度封后，不讓後浪推前浪！

數年前患上甲狀腺炎，令樣貌標致的張可頤淡出幕前養病，猶幸有信仰支持，令她渡過難關，今年更憑收視爆燈的劇集《法證先鋒Ⅲ》入圍台慶頒獎禮的「最佳女主角」及「我最喜愛的電視女角色」。曾於03年憑《九五至尊》膺視后的她，不諱言希望再次封后，但自我挑戰令她更為滿意：「差唔多十年冇吊過威吔，呢套劇獻出好多第一次，重拾做新人嘅感覺。」

雖說付出不求回報，但總希望有多少「甜頭」作獎勵，即使豁達如可頤亦然，她說：「當然有諗過攞獎，但今年競爭好激烈。（目標係再攞視后？）梗係想啦！呢個係返工嘅動力！」但她亦希望大家都有獎。至於心水視帝，她三心兩意地笑說：「梗係撐祥仔（黎耀祥）啦！（佢攞咗兩次喇！）咁揀陳豪啦！我最近同佢開《天梯》，哈哈！」

唔考慮北上

此外，可頤直言病愈後積極衝刺，密密接拍劇集及電影，希望保住人氣，亦不考慮學其他小生花旦般北上掘金：「始終父母年紀大，唔想離開太耐。學祥仔話齋，內地嘅工作條件未必好過香港，自己都未必適應呢個模式，所以暫時唔考慮住喇！」