欣宜後悔冇學好中文
歌手鄭欣宜日前擔任聖誕節活動嘉賓，大會要求她寫「心意卡」，不過她花了近10分鐘才寫出「希望人人都充滿歡笑和愛」的字句，而且有3個字寫錯要重寫。問到為何不寫英文？她說：「因為我都識寫少少，雖然我中文差，不過我好想學，我好後悔細個冇學到！」她自言中文程度已比剛回港時進步，但至今仍未識寫已故母親沈殿霞的全名：「個『殿』字係咪呢個『電』呀？（唔係！）好難呀！但我識寫少秋（爸爸鄭少秋）個名！」問到其外籍男友的中文程度可會同樣差？她尷尬地點頭：「佢肯聽我啲廣東歌，好有誠意，有一首歌仲唱啱一個字！」
