陳敏之家人力撐晒長處爭女配角

配角往往被視為「綠葉」，用作襯托主角之用，但號召力絕對不能看輕！謝天華前年憑「Laughing哥」由配角做到擔正，足見綠葉亦有茁壯成長之日。今年候選男女配角中，黃智賢與陳敏之被睇高一線，且看能否順利做謝天華第二！

今年角逐男女配角的藝員中，不乏一班老戲骨包括岳華、羅樂林、江美儀與黃淑儀等，但論頂頭大熱則非年輕一輩黃智賢及陳敏之莫屬！

平常心減壓

黃智賢憑《潛行狙擊》的「辣薑」一角提名最佳男配角，他在劇中飾演黑社會大佬兼臥底非常突出，引起不少網民關注，但他笑言最初只是客串：「嗰時個心沉一沉，心諗我都客串咗好多部喇喎！後來先知原來個角色好搶，好有發揮空間。」與劉松仁首次合作的黃智賢感到刺激又新鮮，並讚松哥是個落力又認真的前輩，問到會否簽約成「親生仔」而提高獲獎機會？他說：「可能呢樣都係公司考慮嘅嘢，但自己唔會諗咁多，最緊要做好本分。」

至於陳敏之在劇集《怒火街頭》中破格飾演性工作者何利貞，亦是她在角色上的一大突破，劇中經常穿短褲而升呢成「索腿天后」！問到會否怕觀眾只留意她的長腿而忽略演技，敏之說：「起碼有人留意咗先，既然呢個係我優點，點解要收埋呢？」她表示男友及媽咪都睇好她獲獎，但她不會給自己太大壓力。

敏之去年拍攝《怒》劇一幕追賊戲時跣倒並撞向渠蓋，導致鎖骨骨折，養病期間突感到不適而送院檢查，發現腎功能出問題！問到當時男友有否「肉赤」？她說：「媽咪肉赤啲！呢段時間男友都對我好好，會煮嘢畀我食，佢以前唔識做家務，後來為咗我而改變，身邊有好多人錫我，我已經好滿足，攞唔攞獎都冇所謂！」