「長腳蟹」呂慧儀昨日發布與未來老公落選港男黃文迪（Dickson）的婚照，她說：「啲相喺東南亞小島影，個浪打埋嚟搞到我哋濕晒，好在一Take搞掂，好似婚姻咁一Take過！婚宴畀晒黃生搞，佢話只要我出席就得！二月會去歐洲旅行結婚，但一月照派利是。（造人？）想享受兩年二人世界先。」另外，同屬無綫藝人的李思欣昨日透露，與未婚夫范振鋒將提前在本月8日在關島先行註冊結婚，1月15日照舊在港擺酒。
呂慧儀在浪花中拍攝婚照，甚有藝術感。
