影帝點中Kenny阿Sa掃地都肯制

昨日出席記者會的藝人均揚言想跟影帝葛優合作，其中蔡卓妍（阿Sa）笑言做「掃地」角色也不介意，鍾欣桐（阿嬌）亦願做「路人甲」，陳偉霆則笑言客串都冇問題！不過，葛優原來也找到「心頭好」，他透露於後台見到一位不錯的男生，但可惜其普通話口音不夠「北京腔」，只可做香港人到北京生活題材的故事。

事後楊受成解開「謎底」，並透露葛優看中的是關智斌（Kenny），楊受成說：「Kenny頭先同葛優傾咗偈，葛優話佢啲國語渣，我會叫佢多練習，呢啲交畀Mani（霍汶希）負責。」

對於被指普通話欠佳，Kenny笑說：「唔係呀！我頭先有同葛優傾偈，溝通冇問題，只係北京口音唔得咋！佢哋要捲脷好犀利，好似打茄輪，我又唔係成日打，之後會練多啲（普通話）。好想同影帝級人馬合作，覺得好似攞獎咁。」能夠見到內地神級影帝葛優，阿Sa笑言很開心，並即時跟葛優合照，而阿嬌則笑言差點失去與葛優合照的機會：「我想影嗰時老闆叫咗佢走，好在最後影得番。」