高海寧擔心阿媽開檔遇險
旺角花園街排檔發生火災造成嚴重傷亡，在旺角長大的高海寧難過又擔心，她說：「印象中上年都有火災，今次仲有咁多人死傷，真係好難過！天災就話冇得計，人禍真係好唔應該。」事發後，她表示收到不少短訊：「好多人問我有冇事，好多謝佢哋關心。」提到母親亦在旺角從事排檔生意，高海寧坦言擔心：「除咗安全同火警問題，阿媽話樓上成日高空擲物。」她又指想母親早點退休，但當中存在不少考慮因素：「一來要努力賺錢先，二來媽咪做嘢當興趣，可以打發時間。」她亦不擔心日後政府若加強監管排檔會影響母親，她說：「最緊要安全第一。」
