許廷鏗撐冇激咀

巨聲1幫的許廷鏗被爆疑似斷背，在公園餵貌似陳奐仁的舊同學食蛋糕、瞓對方大髀兼激嘴！昨日唱片公司及經理人聯手拆彈，聲稱他當時飲醉，絕無激咀，只是角度問題。

火速上位的「巨聲」許廷鏗（Alfred）緋聞多多，繼早前被影到跟圈外女子約會後，又被指跟張敬軒傳斷背。一波未平一波又起，日前他被影到跟貌似陳奐仁的四眼男在公園夜會，有指Alfred餵四眼男食蛋糕、瞓對方大髀兼激嘴，行為親暱。

本報記者致電向其唱片公司行政總裁何哲圖求證，他說：「佢話嗰個係同學，嗰晚佢飲醉酒，同學帶佢去公園休息，因為醉咗所以挨住同學。佢哋冇咀，個同學只係烏低身慰問佢啫。」問是否相信此解釋？他說：「我相信佢冇同性戀傾向，佢亦都道咗歉，應承以後唔飲酒。」

巨聲幫解畫

Alfred是無綫力捧的歌手，樂易玲說：「佢有打畀我，話飲醉酒，我冇問佢做乜，覺得冇特別，我唔相信係咀，鏡頭咁啱啫，佢話好多年老友，飲醉有人照顧都好，上次都影到佢同個女仔一齊。」而巨聲2幫的陳國峰坦言，看照片後感到驚訝，而吳業坤則說：「可能小妹妹嘅幻想會破滅，不過唔知係咪真。佢有實力，前途唔會受影響。」至於羅孝勇則認為只是照片角度問題。