周秀娜（Chrissie）前晚為Acupuncture時裝活動行騷時，自爆因消瘦而險甩褲：「之前去內地同馬來西亞，食唔慣當地嘢，加上隻腳傷咗要戒口。」受傷兩個月的她，因康復進度未如理想而考慮做手術：「傷口太深，埋唔到口。（怕留疤？）都怕，傷口有一隻食指咁長，用防水膠布黐住，搞到發炎同皮膚敏感。（男友呵番？）都會心痛，佢有陪我睇醫生。」她埋怨腳傷帶來很多不便：「唔可以着短裙，拍戲導演又要就鏡頭，好彩《紫荊俠》造型好好，下身包得好實。（上身呢？）上身好通風，如果唔係會焗親。」
周秀娜腳傷未愈，仍希望親身上陣拍動作戲。
