江若琳令阿澤有反應
本周五生日的江若琳，前晚出席寰宇電影《高舉愛情》煞科宴時獲贈啞鈴蛋糕，心情興奮的她即席孭起拍檔杜汶澤，令阿澤滿面通紅，並說：「男女授受不親，咁嘅姿勢梗有反應！」為角色增肥20磅的江若琳，肥到有雙下巴，皮膚亦變差，故要積極減磅及看中醫調理身體。談及拍攝時被舉重槓鈴的槓心壓傷，她說：「成條壓落頭，痛到標眼淚，但我逞強再拍，結果傷得仲緊要，但唔擔心生唔到仔。」
至於阿澤今年拍了8部戲，但依然呻窮，他笑說：「因為片酬畀晒太太，我出『月薪』15,000蚊，比99年離開亞視嘅16,800蚊仲低，真係要節衣縮食，就算片酬加到1億都冇用！」
被江若琳孭起的杜汶澤，面紅紅承認有「反應」！