李蘊前晚為歌曲《我不是你要的女生》拍MV，被「男友」Jerry掌摑及扯頭髮，由於Jerry用力過猛，不慎將她推落地擦傷膝頭，李蘊直言膝傷比被摑更痛：「我情願佢大力少少，唔想NG咁多，一陣面都腫埋就死！」期間，馬來西亞籍男模王冠逸突然探班，更向李蘊送禮兼獻吻，嚇得她尖叫縮開，更即時標淚，未知是否擔心男友劉謙呷醋！事後李蘊說：「我真係唔知佢會嚟，佢係我另一位MV嘅男主角。（男友會唔會掃你嘅碟？）唔知，同佢好少講工作。（少見面？）呢排比較忙，遲啲搵到時間先見啦！」
突然被咀的李蘊，嚇到凸眼尖叫！
李蘊被Jerry掌摑及推落地，膝頭流血，痛到眼濕濕。
