鍾舒漫、官恩娜與方珈悠等昨日出席鞋履騷，剛由美國返港的鍾舒漫一臉冷酷，她說：「大會叫我打扮得酷少少，不過今日都幾『吽』，啱啱去完拉斯維加斯做嘢，瞓兩個鐘就開工，未適應時差！（同妹妹去？）係呀！我同妹妹都好鍾意美國，可惜冇乜時間Shopping！」
至於官恩娜則表示男友身高6呎多，着高踭鞋亦冇有怕！談及日前再遇狂迷，問到男友有否擔心，她說：「好多人打畀我，其實冇乜事，只係歌迷熱情少少。（叫男友保護你？）我保護自己可以喇！」
官恩娜自信可保護自己，不用靠男友。
鍾舒漫（左）氹到方珈悠哈哈笑，人緣勁Good！
