楊怡：向錢看都心郁！
電視圈吹起挖角潮，無綫當家花旦楊怡、胡杏兒及徐子珊分別收到王維基的電話，誠邀加盟旗下，但當中僅得楊怡一個笑言心動：「向錢看都心郁，不過我始終係無綫出身，識得飲水思源。」而杏兒日前接獲來電，她說：「大家寒暄咗幾句就收線，當時我都打咗個突，不過唔會考慮嘞！我同公司張約仲有好幾年，再多錢都要尊重合約精神，有時做嘢唔係淨係講錢，發展機會都好重要，咁公司都畀機會我出碟、拍電影，嚟緊年尾仲會返內地拍劇搵真銀，遲啲拍《怒火街頭2》，我會叫身價飆升嘅鄭嘉穎萬歲。」
至於徐子珊同樣表示沒有離心，她說：「公司對我好好，其實耐唔耐就會有啲咁嘅小風波，不過我對公司好有信心，我都冇聽過身邊嘅朋友話會離開（無綫）。」
楊怡
內地身價：4萬元人民幣
無綫身價：2萬港元
楊怡雖然笑言為錢心動，但識得飲水思源。（資料圖片）