吳卓羲出口護花戀情浮面

吳卓羲（Ron）緋聞女友張馨予於微博上遭人辱罵，字眼不堪入目，Ron得悉後挺身護花而被指戀情浮面，事後Ron呼籲粉絲冷靜，言行Man爆。

譚詠麟、Ron、鍾鎮濤及任達華等昨日出席《JC晨曦足球學校開幕活動》，緋聞女友張馨予近日在微博遭人多番辱罵，Ron接受記者訪問時顯得相當無奈：「點都唔應該攻擊人！啲字眼好差，連人哋父母都被『問候』。微博係好健康嘅平台，唔係用嚟鬧人嘅，總之我身邊所有人有事，我都會咁做（指反擊），要似番個男人！」

叫粉絲自律

他表示暫未聯絡張馨予，但承認因此而不開心：「總之大家冷靜啲啦！冇理由傳咗一次緋聞就要承受啲咁嘅嘢。如果因為我而傷害到其他人，我覺得唔好意思囉！」Ron昨晨四時許在微博「開腔」：「請疼愛我的人......請尊重自己也尊重我，希望大家冷靜一點，尊重自己，自律吧！」字裏行間對張馨予顯得關懷備至，冒住得罪粉絲也要力撐對方。

同場的任達華透露，最近忙於拍攝新片《大追捕》，連日來不停跟拍檔張家輝拍攝追逐戲，結果日日跑到氣咳，接下來還要多跑五日，他慶幸自己有運動底子，相信最終能過關。