樂易玲祝福：咁咪好囉！

無綫高層樂易玲昨日就旗下藝人陳山聰與何超雲拍拖一事，初回應時顯得避忌，後得知超雲大方承認戀情後才放膽祝福二人。樂易玲表示於昨午時分收到陳山聰來電，問到是否來電報喜？她說：「佢私人事由佢自己講。（何超雲承認咗拍拖！）咁咪好囉！其實男、女拍拖係正常事，旗下藝員有私人問題向我問意見或分享，我可以作精神支持，佢哋喺呢件事上咁做（指公開關係）覺得係恰當嘅話，我當然支持！（公開咗對山聰係好事？）唔好咁講，一個男人應該都要面對同有擔帶。（傳佢冇找機票錢？）我唔信，其實佢係一個演員，形象上其實唔係最重要，戲好先係最重要，否則畀機會佢都發揮唔到！」

樂易玲認為陳山聰拍拖屬正常事，更歡迎藝員與她分享。（資料圖片）