高海寧封咪春麗好Cute冇峰度

「咪神」呂慧儀及高海寧前晚分別以女戰士及春麗Look錄影節目，僅谷出「小湯碗」的呂慧儀賴衫窄「焗」谷胸，高海寧則一反常態連腳都「包埋」，有失「峰」度！

無綫兩大「咪神」呂慧儀及高海寧前晚齊以Cosplay造型錄影《亞洲網絡遊戲大獎頒獎禮》。以谷胸女戰士Look上陣的呂慧儀，大呻衣服窄兼拮肉，導致整晚「挺起胸膛」做司儀：「想向司儀界發展，好似嘟姐（鄭裕玲）咁！」雖谷出「小湯碗」，但其衣着明顯較主持《香港先生》時密實，她說：「配合番主題啫！（冇錢即收埋？）唔係！」

陳嘉桓自嘲冇「長處」

高海寧則以春麗造型示人，但竟將高衩裙改成長褲，方便跳舞，縱然擺出Cute爆甫士，仍輸足「九條街」！

至於與師兄杜宇航任頒獎嘉賓的陳嘉桓表示，大會利用特技效果令她跟「師叔公」李小龍一同頒獎。問到會否嘗試Cosplay？她說：「好似幾好玩，但我冇『長處』，Show唔到啲乜。（上圍唔夠大？）夠自己用囉！」而擔任表演嘉賓的泳兒透露曾扮Lady GaGa：「我覺得Cosplay唔係幾啱我！（你有條件喎！）其他人都有，我都係唱番主題曲好啲！」