谷行小山丘陳敏之認輸
昨日陳敏之盛裝出席上市公司德發集團酒會，雖然性感程度不敵楊思琦，但依然比楊怡及徐子珊搶眼！敏之大讚思琦身材：「佢個胸好犀利，大過我好多！我今日都有一對小山丘，不過係條裙本身貼身先會容易有效果，冇特別做過咩。（有咩性感底線？）唔係刻意性感，天氣熱可以露少少，我露極都係咁！」
此外，敏之笑言好姊妹楊怡要收好貴才會騷身材，楊怡則反笑對方身材只有「高」一個字，並坦言性感非其強項。提到是次活動酬勞，她覺得無綫會收得合理。自言略懂煮中菜的她被問到可有煮給男友食時，她說：「前男友就有。（黎諾懿呢？）佢鍾意我媽咪嘅手勢多啲。（行外母政策？）唔係！朋友形式食飯。（入得屋？）咁真係好好朋友囉！（媽咪對佢印象點？）覺得佢好乖仔，馬國明都成日話去我屋企食飯，不過佢太忙掛住搵錢。」
力谷「小山丘」的陳敏之（右），笑言楊怡要收好貴才肯騷身材。
陳敏之親手餵拍檔楊怡！
徐子珊僅露膊，當然被搶「峰」頭。