思琦34C生蝦咁彈

自楊思琦移情吳帥後，胸懷大志的她決心開行Turbo吸金，昨日出席活動炸蝦時，因閃避滾油搞到生蝦咁跳，輕易製造「胸前盛放」的壯觀畫面，難怪身旁的黃德斌也不敢斜視！

港姐出身的楊思琦出名身材澎湃，但礙於乖乖女形象深入民心，所以鮮有騷胸。不過，自從思琦狠撇拍拖9年的李泳豪，閃電移情前香港跳水隊成員吳帥後，有傳吳帥並非外間所傳的巨賈富豪。近日思琦索性把煩惱絲剪短，還揚言願意接拍親熱及強姦戲，身為港姐冠軍的她決定為事業而豁出去。

有見事業線成為女星吸金寒暑表，線愈長吸金愈多，昨日思琦出席上市公司德發集團國際有限公司（928）復牌之喜酒會時，悉心打扮穿上性感Low Cut短裙，34C上圍擠出長長事業線，吸引眾人眼球，成為全場焦點，把同場無綫花旦陳敏之、徐子珊、楊怡及李詩韻比下去！而小生黃德斌、馬德鐘和馬國明面對思琦時，都不敢斜視，以免引起尷尬。

少為男友下廚

玩煮食遊戲時，思琦拿起食材興奮奔跑，胸前無限春光！落手落腳炸蝦球時，她為閃避滾油四濺，原本烏低身的她即時彈起，如此「胸前盛放」的畫面，連站在身旁的黃德斌也不敢直視，頓時語塞，變成「德斌無話兒」！

問到如此搏命是否酬勞可觀？思琦說：「我嚟都好開心，都係公司安排啫！其實條裙Cutting好簡單，係我揀！」對於憑胸製造壯觀畫面，被讚性感非常，她說：「只係啲油彈到周圍都係，整炸蝦真係好驚，搞到我生蝦咁跳，手忙腳亂，可能平時少入廚啦！但都多謝大家讚我性感！」她表示平日通常出街用膳，極少下廚，連男友也少有機會試到其手勢，但她知道要學做家庭主婦：「唔識煮嘢食真係好麻煩！加上自己又為食，所以都學緊！」談到投資，她說：「我唔叻，媽咪叻過我好多！」並笑言連男友也要向楊母甘拜下風。