Lucas打功夫氹霆鋒

謝霆鋒早前與其詠春師傅兼老友伍允龍食飯，伍允龍指霆鋒當日心情並無異樣，還跟他一起見師兄，即霆鋒的師伯，兩人還即席過了幾招！

據知，謝霆鋒早前曾與老友伍允龍食飯，記者致電伍允龍求證，他說：「係呀！之前霆鋒拍手錶廣告，佢介紹我做嗰個廣告嘅武術指導，嗰日拍完後大家去食飯，咁啱我師兄嚟咗香港，我哋食完飯咪一齊去見師兄（霆鋒師伯），佢哋仲過咗幾招，但因為第二日我要開早冇留到尾。（霆鋒有冇唔開心？）一啲都冇！（有冇同你講離婚嘅嘢？）冇，我哋兩兄弟多數講武術。」

兒子照片不離身

至於霆鋒兩名兒子Lucas與Quintus，伍允龍透露以前經常會見到兩個小朋友，但近期沒有，他估計應該很快會見到他們，又謂霆鋒隨身都會攜帶Lucas打功夫的照片。

早前曾與謝霆鋒斟新戲的導演羅啟銳與張婉婷，昨出席活動時表示，新片還未落實霆鋒是否參演，問到是片酬還是檔期？他倆說：「各方面都有！」霆鋒正跟栢芝鬧婚變，問可擔心霆鋒拍戲時分心？羅啟銳說：「聽講霆鋒唔會分心，佢係一個專業演員。」

霆鋒老友梁漢文昨出席活動，提到有傳栢芝不肯簽字離婚時說：「佢哋兩個大人好好傾吓！（有傳栢芝每月仲豪碌霆鋒十幾萬卡數？）我都幫太太找卡數，女人使男人錢係應該！」