樂隊Kolor前晚開騷，吸引好友Mr.及數百粉絲捧場，而Kolor主音Sammy的女友盧巧音則擔任大會導演及監製。Kolor全晚大唱Rock歌，更自爆樂隊前身「臨記」的解散與重組，演變成Kolor的故事，他們亦邀請一些地下樂隊擔任嘉賓：「好希望可以帶啲地下樂隊上主流！」
至於Mr.五子獨欠主音Alan撐場，隊友解釋：「Alan閉關作歌畀其他單位。（你哋成日畀人話抄歌？）都慣咗！反而畀佢哋發洩到心聲仲好！（惡搞你哋啲歌？）唔好咁勞氣啦！大家都有權選擇！」
Ronny（左起）、Tom、MJ及Dash前晚捧Kolor場。
