Evelyn忘情老銅覓食

樂隊Mr.鼓手Tom（杜志烜）與o靚模蔡穎恩（Evelyn）分手後，二人各有新歡，有指Tom火速搭上舊愛的好姊妹「陽光妹」何思諺！Tom日前首度開腔承認與Evelyn已分手幾個月，至於Evelyn日前亦與好姊妹陳嘉寶到銅鑼灣（老銅）搵食，各自各精彩！

近年成功出位的Mr.，成員的感情生活亦精彩！近日有傳Tom與Evelyn情海翻波，搭上Leanne！Evelyn感情亦有着落，被指與台灣型男撻着，另又傳她與本地插畫家小克出雙入對！

Dash黃瑩「同車」

上周五，Mr.出席活動後乘車離開，未幾見Dash的前落選港姐、已轉行白領的女友黃瑩於砵蘭街上車。本報記者問到Tom可知Evelyn與台模拍拖？他說：「唔知！」再問是否已跟Evelyn分手？向來低調的他直認不諱，並表示他們已分手3、4個月。對於被指與Leanne拍拖？他說：「我哋係朋友！」之後他與MJ往旺角方向走去，Alan、Dash及黃瑩則搭車離開。

至於被指最近經常出入Mr. Band房的Leanne，近日接受電話訪問時表示：「邊有呀？係都係之前幫佢哋拍MV上去睇片，工作啫！（有人見到你同Tom好親密喎！）冇呀！係都係做嘢啫！」

另一邊廂，Evelyn亦不愁寂寞，日前出席活動後雖未見有男伴迎接，但與好姊妹陳嘉寶（Anjaylia）及糖妹到銅鑼灣消夜。醫肚後，她們突然躲到商場角落，Anjaylia遞起腳貼膠布，好友則築起人牆免她走光，事後Evelyn與糖妹搭的士離開。