甄詠珊暗踩許穎寫真意淫
前性感組合Freeze成員甄詠珊前晚到澳門出席活動，提到o靚模寫真，她以「世風日下」來形容某o靚模的寫真：「我以前係賣性感，但佢呢本係意淫，我睇到佢喺報章嘅言談覺得好心痛，我以前識佢，知道佢本身唔係咁，我覺得佢變咗。（勸吓佢？）唔會！我唔覺得有能力改變到佢。」據知，她昔日與許穎交情不錯，她所指的某位o靚模，估計是指在寫真集疑似露毛兼意識大膽的許穎。而同場行騷的名模Ana R.表示有留意o靚模寫真，指部分質素不俗，例如余曉彤（Hidy）並非只騷胸，不過對於部分過火的性感寫真，她直言覺得很尷尬而不敢看。
另外，選美出身的陳鈺芸（JuJu）昨日在書展宣傳，自言出書賣創意，不屑Sell性感，問到是否指o靚模學歷低？她說：「唔評論人，佢哋點出道係自己選擇。（佢哋好快冇得撈？）創意有得變，身材冇得變，所以係一剎那。」
甄詠珊狠批o靚模寫真「世風日下」。
Ana R.坦言不敢看「過火」寫真。