何思諺掃民族袋仔「看門口」
新一代「陽光妹」何思諺（Leanne）最愛買袋，讚民族風一直屬襟興之選，潮人必定擁有一件民族風物品「看門口」。她最近新購入一個民族風格的袋仔，袋側有吊珠飾物，大小剛剛好，方便出街兼夠實用。Leanne表示平日亦愛孭的骰袋出街貪方便：「我通常出街都淨係帶電話銀包，用細袋又方便啲。」不過，Leanne透露若然開工出外拍攝，便傾向用大袋帶衫：「我拎重嘢會特登孭背囊，咁就唔怕高低膊，Balance之餘膊頭又冇咁辛苦。」
原來愛袋的Leanne曾經歷痛失心頭好：「嗰陣時睇中咗個袋冇即刻買，點知返去諗一諗就賣晒，好失落！自此一睇中個袋就會買，費事下次又後悔！」她又自爆買過最貴的袋價值超過三千元，當時考慮了好一段時間才決定。
何思諺平日愛孭袋仔出街，貪其方便又輕鬆。
何思諺遇見「心頭好」民族風袋仔，即扑錘購買免錯失機會。