傅嘉莉冧爆李治廷

模特兒傅嘉莉（Kelly）和藝人姚子羚昨日為婚紗展行騷，Kelly透露首次在港行婚紗騷，感覺像自己的婚禮一樣。她表示剛與李治廷拍攝了一輯美心冰皮月餅廣告，並將於下周播出：「可以同李治廷一齊過中秋！（有冇火花？）佢好鍾意音樂，拍嗰陣佢不斷講音樂，又帶埋結他去拍廣告。我本身都鍾意音樂，所以好快熟咗。（過電？）都有，我哋喺廣告裏面飾演情侶，佢個人好好，又靚仔。（係你杯茶？）係我杯茶！（你做主動？）唔好啦！喺廣告裏面已經滿足。（私底下有冇聯絡？）冇。」她又表示有份參演的電影《人約離婚後》快將上映，目前心情十分緊張。

行婚紗騷的Kelly，坦承與李治廷過電。

姚子羚穿起露肩晚裝，明艷照人。