祖名執父手尾 見面 Say HI

房祖名昨日大方回應吳綺莉返港定居的消息，強調有朝一日與對方及「妹妹」吳卓林見面時，必會禮貌地打招呼。他亦揚言為免重蹈爸爸成龍的覆轍，一直步步為營，免令父母受罪。

房祖名今年首次接受香港傳媒訪問，即被追問有關吳綺莉回流的消息，難怪他昨日與鄧紫棋（G.E.M.）出席活動時說：「一返嚟就要回應咁凝重嘅事，呢個一直都唔想講。」他多次以「冇得對呢件事回應任何嘢」來避談，當問到假如見到吳綺莉會如何稱呼對方？祖名大方地說：「會叫佢吳小姐，你好，會同佢打招呼。（見到吳卓林？）Say Hi。」難道不怕母親林鳳嬌嬲？重家教的他說：「呢啲係禮貌。」

步步為營免丟架

祖名強調即使父親成龍做錯任何事都會挺身支持：「一家人冇得嬲，佢做錯、講錯都係我老竇，盡力執佢手尾，一齊中槍囉！（引以為鑑？）步步為營，我嘅面即係父母嘅面，做仔都唔想父母去受。」祖名承認母親「中槍」最深，並笑說：「有一日父母跌落海，正常我會救媽咪先。」