栢芝有信心爭撫養權
張栢芝日前完成上海活動後，已返回寧波繼續拍攝電影《河東獅吼II》。該片投資者余毓興昨日表示已見到栢芝，並力讚昨日有兩場戲的她很專業，家事冇影響表現：「栢芝應該同霆鋒有共識，佢會湊番兩個仔，相信係咁，見佢成個人鬆晒！（佢哋傾妥撫養權？）我只可以話，栢芝好有信心攞到撫養權！其實霆鋒四圍飛做嘢，冇栢芝咁適合照顧兩個小朋友！栢芝拍完《河》片就返香港，之後做嘢都會以香港為基地！（有報道指栢芝因離婚而情緒失控？）我覺得好無聊！栢芝最初入組係有啲緊張，但今次再見佢已經輕鬆晒，我唔覺佢有異常！」
另一邊廂，被問到是否擔心女兒情緒不穩？栢芝媽昨日接受訪問時說：「我唔想答喇！（陪住兩個孫？）唔想講！（擔心栢芝？）都係o架！」
栢芝被指心情輕鬆，看來談判有進展。 （資料圖片）