呂慧儀谷「X Cup」抗高胸轟炸
去年以超Deep V出席港男騷而遭投訴的呂慧儀，今年縱然收斂，但仍谷出「X胸」上陣，搶鏡度冠絕全場！她坦言為安全起見已打足底，同是司儀的莊思敏則笑她勁到冇朋友：「佢咁樣着冇朋友㗎！得番我一個！（你僭建都唔夠佢勁？）我唔係諗住樣，只係想着衫好睇啲。」另一司儀陳敏之自言叫呂慧儀谷盡搶收視，至於鄭裕玲亦不輸蝕露紅Bra：「有少少嘢睇嘛！」
另一「咪神」高海寧雖然瘦了一圈，但仍低胸「露大咪」，自爆未有降Cup。前「美味天使」陳蕊蕊身穿細碼Tube Dress騷34D搶鏡，行路時更激蕩，她說：「真嘅咪會咁囉！」而「浸大E神」楊梓瑤同樣變瘦，身材亦因而縮水，她死撐說：「不嬲都冇E，依家係32C！」
呂慧儀穿上由Alex Lam設計的性感長裙，巨咪「Big」爆鏡頭。
高海寧的低胸裙購自日本價值二千元，逾百萬元首飾則由金至尊贊助。
楊梓瑤收身後連上圍亦縮水，相形見絀！
Alice B.自知難撼咪神，改以露背搶「峰」頭。
莊思敏吝嗇本錢，拒與呂慧儀正面交「峰」。
陳敏之身穿由何國鉦設計的紅色裙，配上金至尊贊助的二百萬元首飾，夠晒高貴。
陳蕊蕊特別着細碼Tube Dress谷胸上陣，還自誇是真材實料！