官恩娜昨日出席《全港學生撐大運》活動，即將推出廣東EP的她碰巧宣傳期撞正書展，她坦言不怕跟模打對台：「音樂同寫真係兩樣好唔同嘅嘢，都唔驚會搶客。（有冇留意今年寫真？）有時睇新聞都會留意到，自己應該唔會買喇！」她更因為出碟壓力大搞到心神恍惚，忙到心血少：「呢幾日起身要定一定神，諗自己要做乜，可能個鬧鐘太勁，畀佢嚇親！」
官恩娜認為新碟與寫真集各有捧場客，不擔心被搶客。
